Aurland Kommune

Aurland

Katrine Clausen Fredheim

kulturskulerektor

<h2>Om stillinga</h2><p>Me har ledig 40% fast stilling som klubbmedarbeidar ved fritidsklubben frå 01.08.2025. </p><p>Fritidsklubben held til like ved Aurlandshallen, og har tre tilsette. For dei yngste frå 5. - 7. trinn  har vi aktivitetsklubb på onsdagar og på fredagar er det klubb for 8. trinn til 18 år. Tysdagar er det leksehjelp for alle i målgruppa til fritidsklubben. Fritidsklubben har store og romslege lokale med mellom anna gamingrom med Xbox og Playstation5, biljard, bordtennis og airhockey, samt dansegolv og hobbyrom. Fritidsklubben nyttar og uteområda både på skulen og Aurlandshallen til aktivitetar. </p><p>Fritidsklubben er organisert i kommunalområde oppvekst, som ei avdeling under Aurland barne- og ungdomsskule (Abu). Fritidsklubben er ein ungdomsstyrt og uformell møteplass som skal samhandle tett med øvrige avdelingar i avdelinga. </p><br /><h2>Arbeids- og ansvarsområde</h2><ul><li>Legge til rette for trivsel og trygge rammer på fritidsklubben</li><li>Vere ein trygg vaksenperson</li><li>Faste vakter kvar onsdag og fredag kveld i skuleåret</li><li>Planlegge og marknadsføre aktivitetar i fritidsklubben</li><li>Kontaktperson for klubbstyret</li><li>Utvikle og gjennomføre prosjekt i samarbeid med andre avdelingar i kommunalområdet</li><li>Planlegging og handling til kiosk</li><li>Daglege rutinar, til dømes reinhald, rydding og oppmøtelister</li><li>Kontakt med føresette og ungdomane</li></ul><br /><h2>Me tilbyr</h2><ul><li>ei utfordrande stilling med moglegheit for utvikling og fagleg påverknad </li><li>bli ein del av ein triveleg arbeidsplass der arbeidsmiljø står i sentrum </li><li>gode pensjons- og forsikringsordningar </li><li>løn etter tariff</li><li>minimum 6 år ansiennitet ved fagbrev barne- og ungdomsarbeid</li><li>gratis inngang til treningsrom i Aurlandshallen </li><li>gratis inngang til symjehallen </li><li>å formidle kontakt med utleigar av ledige husvære </li><li>eventuell informasjon om ledige stillingar til partar, samt moglegheit for utlån av kontorfasilitetar (kontorhub)</li><li>barnehageplass i Aurland barnehage</li></ul><p>Sjå gjerne informasjonsbrosjyre om kommunen vår <a href="https://www.visbrosjyre.no/Aurland_kommune/WebView/" rel="nofollow">her.</a></p>. Video: https://www.youtube.com/watch?v&#61;aFXLAnqaUbI<br /><h2>Kvalifikasjonar</h2><ul><li>Fagbrev som barn- og ungdomsarbeidar</li><li>Erfaring frå arbeid med born og unge kan erstatte fagbrev</li><li>Gode samarbeidsevner</li></ul><br /><h2>Personlege eigenskapar</h2><p>Du må ha interesse for, og like å jobbe med, born og unge. Personlege eigenskapar vil bli tillagt stor vekt.</p><p>I tillegg ynskjer vi at du er:</p><ul><li>Ansvarsfull</li><li>Tillitsbyggande</li><li>Kreativ</li><li>Omsorgsfull</li><li>Initiativrik</li><li>Samarbeidsvillig</li></ul><p>Aurland kommune er i stadig utvikling, og det blir venta at klubbmedarbeidaren bidreg aktivt til utvikling og arbeid på tvers av avdelingane.</p><p><strong>Våre verdiar er:</strong>  L-Æ-R, som står for Likeverd, Ærlegdom og Respekt.  </p><br /><h2>Løns- og tilsetjingsvilkår</h2><ul><li>Tilsetting, løn og arbeidsvilkår er i samsvar med gjeldande lover, reglement og tariffavtale</li><li>Kvelds- og helgearbeid må påreknast</li><li>Ved tilsetjing må det leggast fram politiattest</li></ul><br /><h2>Krav til språk</h2><p>Du må kunne kommunisere godt på norsk, både munnleg og skriftleg. Aurland kommune nyttar nynorsk som målform. </p><br /><h2>Generell informasjon </h2><p>Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p><strong>NB!</strong> Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.</p><p>Me ynskjer deg velkomen som arbeidssøkar i Aurland kommune.</p><br />

Klubbmedarbeidar