Aurland Kommune

Aurland

Monique Huetink

fagleiar fysioterapi

Joachim Bendiksen Hagen

Stabsleiar helse og omsorg

<h2>Om stillinga</h2><p>Me har ledig 100% fast stilling som fagleiar fysioterapi frå 01.03.26. Vil du vere med å utvikle fagfeltet, få ein variert og meiningsfull arbeidskvardag og ha ei sentral rolle i tenesta? Då oppmodar vi deg til å søke.</p><p>Som fagleiar har du ansvar for å leie og samordne det faglege arbeidet i fysioterapitenesta, og for å sikre at tenestene held høg kvalitet. <br /><br />Fysioterapitenester er organisert i kommunalområde helse og omsorg, og høyrer til stab / fagområde. Legekontor, ergoterapeut, kreftkoordinator, rus- og psykiatriteneste, folkehelsekoordinator med aktivitetsansvar, forvaltning og tildeling, koordinerande eining, fagutviklingssjukepleiar og kommunalteknikar høyrer også til her. Me har tett samarbeid med alle desse fagområda.</p><p>Hjå oss er det er også eit tverrfagleg samarbeid med dei andre avdelingane i helse og omsorg og med kommunalområde oppvekst.</p><p>Fysioterapeutane held til i gode og romslege lokaler i Fjordsenteret, med treningsrom, eigne behandlingsrom og felles kontorlandskap. I behandlinga nyttar vi også treningsrom, symjebasseng og terapibassenget i Aurlandshallen. Me tilbyr også behandling i pasienten sin heim, i institusjon, i barnehage og skule. </p><p>Aurland kommune har mål om at innbyggjarane skal ha moglegheit til å leve aktive og sjølvstendige liv og ta medansvar for eiga helse. Som fysioterapeut hjå oss vil du vere med å bidra til å nå dette målet, ved å ha fokus på pasienten si eigenmeistring og eigne ressursar. I ei tid der kommunen vil få fleire eldre, og fleire med samansette behov, er målet vårt å utvikle gode og berekraftige tenester som er rusta for framtida. Me satsar difor på velferdsteknologi, kvardagsrehabilitering og førebygging, som fysioterapeutane er ein viktig del av.</p><br /><h2>Arbeids- og ansvarsområde</h2><ul><li>Utøve allmenn fysioterapi, i samsvar med kommunen sine gjeldande prioriteringar</li><li>Koordinering og tverrfagleg samarbeid</li><li>Rettleiing av pasient, samarbeidspartnarar og pårørande</li><li>Dokumentasjon og elektronisk samhandling</li><li>Handsaming av søknadar, tilvisingar og iverksetjing av tenester </li><li>Koordinering av det faglege arbeidet i fysioterapiavdelinga , og sikre at tenesteytinga er av god fagleg kvalitet. </li><li>Sikre at turnusfysioterapeut får rettleiing i tråd med krav, og vere kontaktperson ovanfor utdanningsinstitusjonar og Statsforvaltaren i samband med dette.</li><li>Ansvar for at Helfo oppgjer vert gjort i tråd med prosedyre, og for utarbeiding av fakturagrunnlag eigendelar for fysioterapi. </li><li>Bistå i rapportering og søknad om tilskot innan fagområdet.</li><li>Ansvar for å utarbeide og oppdatere rutinar og prosedyrar for fysioterapeut i kommunen sitt kvalitetssystem.</li></ul><p> </p><br /><h2>Me tilbyr </h2><ul><li>ei utfordrande stilling med moglegheit for utvikling og fagleg påverknad </li><li>bli ein del av ein triveleg arbeidsplass der arbeidsmiljø står i sentrum </li><li>gode pensjons- og forsikringsordningar </li><li>løn etter avtale</li><li>fleksitidsordning </li><li>tenestebil</li><li>gratis inngang til treningsrom i Aurlandshallen </li><li>gratis inngang til symjehallen </li><li>å formidle kontakt med utleigar av ledige husvære </li><li>barnehageplass i Aurland barnehage, med atterhald om ledig plass. </li></ul><p>Sjå gjerne informasjonsbrosjyre om kommunen vår <a href="https://www.visbrosjyre.no/Aurland_kommune/WebView/" rel="nofollow">her.</a></p>Video: <a href="https://www.youtube.com/watch?v&#61;aFXLAnqaUbI" rel="nofollow">https://www.youtube.com/watch?v&#61;aFXLAnqaUbI</a><h2>Kvalifikasjonar</h2><ul><li>Bachelor i fysioterapi med norsk autorisasjon</li><li>Det er ynskjeleg med vidareutdanning, eller interesse for å ta vidareutdanning innan fagfelt som:<br />- geriatri<br />- rehabilitering<br />- barn og unge<br />- psykomotorisk fysioterapi<br />- lymfødem- og lipødembehandling</li><li>Gode norskkunnskaper, munnleg og skriftleg</li><li>Personlege eigenskapar vert vektlagt</li></ul><br /><h2>Personlege eigenskapar</h2><p>Me vil at du:</p><ul><li>Er serviceinnstilt</li><li>Er fagleg dyktig</li><li>Arbeider sjølvstendig</li><li>Har god arbeidskapasitet</li><li>Samarbeider godt med andre, og i team</li><li>Har behova til brukaren i fokus</li><li>Er ansvarsbevist, strukturert og lojal</li></ul><p><strong>Verdiane våre er:</strong>  L-Æ-R, som står for Likeverd, Ærlegdom og Respekt.  </p><br /><h2>Løns- og tilsetjingsvilkår</h2><ul><li>tilsetting, løn og arbeidsvilkår er i samsvar med gjeldande lover, reglement og tariffavtale.</li><li>politiattest av nyare dato må leverast når du byrjar i stillinga</li></ul><br /><h2>Krav til språk</h2><p>Du bør kommunisere godt på norsk, både munnleg og skriftleg. Aurland kommune nyttar nynorsk som målform.</p><br /><h2>Generell informasjon </h2><p>Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p>Treng du hjelp i samband med søknaden, ta kontakt med Jobbnorge på telefon &#43;47 75 54 22 20, mandag til fredag mellom kl. 08.00-16.00, eller send E-post til <a href="mailto:support&#64;grade.no" rel="nofollow">support&#64;grade.no</a>. Du vil få raskt svar, og veldig god hjelp av hyggelege medarbeidarar.</p><p>NB! Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.</p><p>Me ynskjer deg velkomen som arbeidssøkar i Aurland kommune.</p><br />

Fagleiar fysioterapi