Aurland Kommune

Aurland

Steve Elgåen

avdelingsleiar forvaltning

<h2>Om stillinga</h2><p>Aurland kommune etablerer Aurland frivilligsentral; ein møteplass og ressurs for frivillig aktivitet i lokalsamfunnet. Sentralen skal styrkje frivilligheit, fellesskap og inkludering i kommunen, og vere ein støtte for lag, foreiningar og einskildpersonar som vil bidra.</p><p>Vi søkjer etter dagleg leiar i 100 % fast stilling. </p><p>Du får ansvaret for å leie oppbygginga av frivilligsentralen frå start og utvikle gode rutinar for drift og samspel med frivillige og kommunale tenester. Stillinga krev evne til å arbeide sjølvstendig og målretta, med blikk for både innovasjon og kvalitet i gjennomføringa. Vi ser etter ein tydeleg, løysingsorientert person som trivst med å få ting til å skje. <br />Som leiar må du òg delta aktivt i det praktiske arbeidet, og stillinga er ikkje avgrensa til administrative oppgåver.</p><p>Stillinga er i første omgang lagt til Aurland kommune, avdeling forvaltning. I etableringsfasen har kommunen ansvar for oppstart, drift, oppfølging av frivilligsentralen og rekruttering av frivillige. Den som blir tilsett vil ha eit særleg ansvar for å greie ut og føreslå ei hensiktsmessig organisering og vidare driftsform for frivilligsentralen. Det skal til dømes etablerast eit styre for frivilligsentralen.<br />Kommunen vil leggje til rette for ei berekraftig drift av frivilligsentralen, i tråd med gjeldande lovverk og lokale behov.</p><p>Ved forvaltning er det 8 tilsette innan fagområda plan, byggesak, oppmåling, klima/miljø, næring, og kultur. Avdelinga forvaltning er ein av to avdelingar i kommunalområdet samfunnsutvikling. Vi held til på rådhuset på Aurlandsvangen. Lokaliseringa til frivilligsentralen er ikkje avgjort enno.</p><br /><h2>Arbeids- og ansvarsområde</h2><ul><li>bygge opp og vidareutvikle Aurland frivilligsentral i tråd med <a href="https://frivilligsentral.no/irisfile/174033/" rel="nofollow">frivilligsentral.no</a></li><li>vere ein samarbeidspart for frivillige, lag, foreiningar og næringsliv </li><li>initiere og koordinere frivillige aktivitetar og prosjekt</li><li>bidra til rekruttering og oppfølging av frivillige</li><li>samarbeide med kommunale avdelingar </li><li>ansvar for dagleg drift, økonomioppfølging, rapportering og informasjon, og elles krava i <a href="https://lovdata.no/dokument/SF/forskrift/2022-06-30-1272" rel="nofollow">Forskrift om tilskudd til frivilligsentraler - Lovdata</a> samt andre relevante lovkrav</li><li>utarbeide system for framtidig drift og berekraftig økonomi</li><li>leiarrolla omfattar både administrative oppgåver og aktiv deltaking i det daglege, praktiske arbeidet.</li></ul><br /><h2>Vi tilbyr </h2><ul><li>ei spanande og meiningsfull rolle der du får vere med og forme ein ny møteplass for frivilligheit i Aurland</li><li>varierte arbeidsoppgåver med høve til å påverke tilbodet</li><li>eit spennande, lærerikt og inkluderande arbeidsmiljø</li><li>løn etter avtale <strong>– </strong>leiar i HTA kap. 4  </li><li>gratis inngang til trimrommet og bassenget i Aurlandshallen (mellombels velferdstiltak)</li></ul><p>Sjå gjerne informasjonsbrosjyre om kommunen vår <a href="https://www.visbrosjyre.no/Aurland_kommune/WebView/" rel="nofollow">her.</a></p>Video: <a href="https://www.youtube.com/watch?v&#61;aFXLAnqaUbI" rel="nofollow">https://www.youtube.com/watch?v&#61;aFXLAnqaUbI</a><h2>Kvalifikasjonar</h2><ul><li>personlege eigenskapar er ein viktig del av kvalifikasjonsvurderinga for denne stillinga</li><li>relevant utdanning, til dømes innan samfunnsfag, kultur, helse, økonomi, sosialt arbeid, leiing eller liknande</li><li>erfaring frå frivillig arbeid, prosjektleiing eller organisasjonsutvikling</li><li>gode samarbeidsevner og evne til å skape engasjement og nettverk</li><li>kjennskap til lokalt organisasjonsliv og offentleg forvaltning er ein fordel</li></ul><br /><h2>Personlege eigenskapar</h2><p>Vi ynskjer at du har desse personlege eigenskapane:  </p><ul><li>er initiativrik, sjølvstendig og løysingsorientert</li><li>trivst med å jobbe med menneske i ulike livssituasjonar</li><li>er tydeleg og samarbeidsorientert</li><li>og evne til å motivere og engasjere </li><li>likar utviklingsarbeid og er innovativ<br /><br /> <strong>Våre verdiar er:</strong>  L-Æ-R, som står for Likeverd, Ærlegdom og Respekt.  </li></ul><br /><h2>Løns- og tilsetjingsvilkår</h2><p>Tilsetting, løn og arbeidsvilkår er i samsvar med gjeldande lover, reglement og tariffavtale.</p><p>Du må pårekne noko kvelds- og helgearbeid.</p><br /><h2>Krav til språk</h2><p>Du må kommunisere godt på norsk, både munnleg og skriftleg. Aurland kommune nyttar nynorsk som målform.</p><br /><h2>Generell informasjon </h2><p>Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Vi tek kontakt med søkarar som har bedt om dette, dersom vi meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Vi oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p>Vi ynskjer deg velkomen som arbeidssøkar i Aurland kommune.</p><p><strong>NB!</strong> Vi overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.</p><br />

Dagleg leiar for frivilligsentral