Aukra Kommune

Aukra

Jorunn Løseth

Seniorrådgiver og partner. Sertifisert rekrutterer DNV.

<h1>Aukra kommune søker kommunalsjef samfunnsutvikling</h1> Aukra kommune er ein kommune i vekst og utvikling. Vi tek organisatoriske grep som vil effektivisere, vidareutvikle og tilpasse organisasjonen til ei ny tid. Slik rustar vi oss for å bli meir innovativ, fleksibel og handlekraftig. Som kommunalsjef for samfunnsutvikling har du ei viktig rolle i utviklinga av kommunen og lokalsamfunnet. Du inngår i kommunedirektøren si strategiske leiargruppe, og vil vere sentral i arbeidet med å vidareutvikle organisasjonen, sikre god samhandling og heilskapleg samfunns- og arealutvikling. Til sektoren ligg tenesteområdet tekniske tenester med plan og utbygging, vatn og avløp, drift og vedlikehald.Kommunen er i ei særstilling økonomisk sett, og samfunnsutvikling er høgt prioritert i kommunen. Vi har ein ambisiøs bustadpolitisk plan som blir særs viktig å jobbe godt vidare med. I 2026 står ny kommuneplan for tur og fleire investeringar innan bygg og anlegg.  Ansvarsområde og sentrale arbeidsoppgåver vil vere<ul><li>Vidareutvikle organisasjonen og fagområda i tråd med dei måla kommunen sett seg</li><li>Overordna leiing av tenesteområda med oppfølging av mål- og resultatkrav</li><li>Bidra med entusiasme for kommunens utvikling og sette retning gjennom nytt planverk</li><li>Sjå samfunnsutvikling i samanheng og utvikle effektive tenester og sørge for samarbeid på tvers i kommunen og mot offentlege aktørar, frivillige, næringsliv og akademia</li><li>Utarbeide og presentere saker, gi informasjon og rapportere om tenestene</li><li>Overordna personal-, økonomi -og resultatansvar for sektoren</li></ul>Kommunalsjef samfunnsutvikling er fast medlem av kriseleiinga og er kommunen sin beredskapskoordinator.  Kva vi ser etter hos deg som søkar? Vi ønsker ein handlekraftig leiar som bygger ein nyskapande sektor. For oss er det viktig at du er ein inkluderande og utviklingsorientert leiar, som er tydeleg og samarbeidsorientert, med evne til å inspirere og stille krav til dei tilsette. Du er trygg som leiar og evner å sjå heilheit og sette retning. Du forstår betydninga av å vidareutvikle tenestene, jobbar strukturert og er opptatt av å levere innan fristar. Kvalifikasjonar og ønska kompetanse <ul><li>Høgare utdanning frå høgskule eller universitet, gjerne innan areal- og/ eller samfunnsplanlegging.</li><li>Leiarerfaring frå offentleg eller privat verksemd</li><li>Kan vise til dokumenterte resultat innan utvikling, endringsarbeid, inkludering eller prosjektleiing</li><li>Kjennskap til samspel mellom politikk og administrasjon</li><li>God kompetanse på økonomi og god systemforståing.</li><li>Din kunnskap og erfaring i bruk av data som arbeidsverktøy er god, og du kan nytte nynorsk.</li></ul>Vi søkjer ein leiar som trivst med komplekse utviklingsoppgåver og som løyser dei med struktur, effektivitet og høg arbeidskapasitet. Vi ynskjer ein leiar som skapar begeistring, motiverer til endring og som trivst med å løfte andre fram. Personleg eignaheit vil bli vektlagt.  Kvifor søke vår overordna leiarstilling innan samfunnsutvikling? Stillinga som kommunalsjef samfunnsutvikling er ei spennande stilling der du er med på å forme framtida for Aukra kommune. Vi har eit godt leiarteam som vil deg vel. Vi er ein veldriven kommune med gode moglegheiter til utvikling. Vi har gode forsikrings- og pensjonsordningar og løn etter avtale. <a href="https://www.youtube.com/watch?v&#61;nDe8ChkkXjI" rel="nofollow">Video om Aukra kommune</a> <a href="http://www.klp.no/pensjonsguiden?kommune&#61;Aukra%20Kommune&amp;nynorsk&#61;1&amp;oftp&#61;1&amp;produkter&#61;1234" rel="nofollow">http://www.klp.no/pensjonsguiden?kommune&#61;Aukra%20Kommune&amp;nynorsk&#61;1&amp;oftp&#61;1&amp;produkter&#61;1234</a> Aukra kommune vart i 2024 kåra til den best styrte kommunen i landet. “Best styrte kommunar byggjer på ein kombinasjon av evna til å levere tenester med god kvalitet, låge kostnader og utan at det går utover den finansielle balansen til kommunen. “Aukra, til dømes, med dei store inntektene sine og veldig gode finansar, klarer å halda igjen”, seier Agenda Kaupang. Det skal sterk rygg til å bera gode tider, blir det sagt, og her har Aukra klart å setja av pengar til framtida&#34;.  <a href="https://www.aukra.kommune.no/aktuelt/aukra-kommune-er-kara-til-den-beste-styrte-kommunen.11799.aspx" rel="nofollow">Aukra kommune kåret til den best styrte kommunen i landet i 2024</a> Søknadsfrist: 5. januar Søk stillinga via Fremogruppen.no eller Finn.no  Ta gjerne kontakt med oss for ein uforpliktande, uformell samtale. Aukra kommune kan kontaktast ved kommunedirektør Gerd Marit Langøy, tlf.: 915 71 540 eller e-post: <a href="mailto:gerd.langoy&#64;aukra.kommune.no" rel="nofollow">gerd.langoy&#64;aukra.kommune.no</a>. Vi har valt Fremogruppen som samarbeidspartnar i denne rekrutteringsprosessen. Partnar i Fremogruppen, Jorunn Løseth, kan kontaktast på tlf. 907 90 311 eller e-post: <a href="mailto:jorunn.loseth&#64;fremogruppen.no" rel="nofollow">jorunn.loseth&#64;fremogruppen.no</a>. Alle førespurnader blir behandla konfidensielt. Førespurnader til Fremogruppen blir behandla konfidensielt også ovanfor Aukra kommune om ønskeleg.  Om du ønsker å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25. Du blir varsla dersom ønsket om reservasjon ikkje vert tatt til følge. Aukra kommune er ein inkluderande kommune som ønsker mangfald. Vi oppfordrar kvalifiserte kandidatar til å søke uavhengig av alder, kjønn, etnisitet og funksjonsnedsetting.