Arbeidstilsynet

Førde

Kjersti Marie Gjerd

Inspektør – Tilsyn  Arbeidstilsynet, Førde   Har du lyst til å jobbe for eit godt arbeidsliv i Noreg? No har du moglegheita!    Arbeidstilsynet jobbar for at alle arbeidstakarar i Noreg skal ha eit trygt og godt arbeidsmiljø.     Arbeidstilsynet skal vere aktivt, synleg og til stades i arbeidslivet. Vi skal legge premissar for, og følge opp, at norske verksemder held eit høgt nivå på helse, miljø og sikkerheitsarbeid. Vi skal følge opp at verksemdene sjølve varetar ansvaret sitt etter arbeidsmiljølova, allmenngjeringslova og anna relevant regelverk.    Tilsyn inneber både kontroll og rettleiing i verksemder i ulike næringar og bransjar. Tilsyn er ofte retta mot organisatoriske forhold, psykososiale faktorar, ergonomi, teknisk sikkerheit, førebygging av ulykker og dessutan kjemiske og biologiske arbeidsvilkår.  Denne stillinga vil vere spesielt retta mot yrkeshygieniske arbeidsvilkår og oppfølging av arbeidsulykker.   Vi søker no etter ein inspektør til tilsynskontoret vårt i Førde. Her vil du vere del av eit tverrfagleg miljø med juristar og inspektørar frå ulike fagområde. Stillinga høyrer for tida til ein seksjon som har medarbeidarar i Kristiansund, Ålesund, Førde, Bergen, Haugesund og Stavanger. Det vil også vere aktuelt å arbeide for andre seksjonar i område Vest, innanfor fagområdet yrkeshygiene. Som inspektør vil du vere mykje ute i verksemdene på tilsyn, og jobben inneber ein del reising.   Arbeidsoppgåver <ul><li>   gjennomføre tilsyn med at verksemder arbeider systematisk med helse, miljø og sikkerheit, særleg innanfor yrkeshygieniske fag</li><li>   oppfølging av alvorlege arbeidsulykker</li><li>   planlegge, gjennomføre og følge opp tilsynssaker i tråd med planar, rutinar og regelverk</li><li>   samarbeide med andre kollegaer, samarbeidande etatar og tilsynsmakter</li></ul>   Andre oppgåver kan bli lagde til stillinga.    I Arbeidstilsynet ønsker vi kontinuerleg forbetring, og i 2025 skal vi forsterke organisasjonsstrukturen vår. Dette vil ikkje påverke kvar denne stillinga er lokalisert geografisk, men kan påverke innhaldet i arbeidsoppgåvene. Utdjupande informasjon om dette vil bli gitt under intervju.   Kvalifikasjonar<ul><li>   høgare utdanning på minimum bachelornivå innan yrkeshygieniske fag. Anna relevant utdanning innanfor kjemiske/biologiske fag kan kvalifisere for stillinga, minimum på bachelornivå. </li><li><ul><li>   god munnleg og skriftleg framstillingsevne på norsk, og dessutan meistre engelsk</li><li>   førarkort for personbil (B) </li></ul></li></ul>   Det er ein fordel om du også har <ul><li>   erfaring frå tilsyn, dvs. kontroll og rettleiing</li><li>   erfaring med saksbehandling </li><li>   kunnskap om krava arbeidsmiljølova stiller til arbeidsmiljø i verksemdene</li><li>   erfaring frå systematisk arbeid med helse, miljø og sikkerheit</li><li>   kjennskap til forvaltningslova og offentleglova</li><li>   kunnskap om teknisk sikkerheit</li></ul>   Vi søker deg som<ul><li>   har ein imøtekommande veremåte, og trivst med å samhandle med menneske ute på ulike arbeidsplassar    </li><li>   har evne og motivasjon til å jobbe med samfunnsoppdraget vårt i ei myndigheitsrolle</li><li>   har gjennomføringsevne og lyst til å skape resultat</li><li>   er strukturert og styrer arbeidsdagen din innanfor gitte rammer</li><li>   er fleksibel og villig til å utføre oppgåver på nye område når det krevst </li><li>   ønsker å utvikle deg i inspektørrolla di, dele kunnskap og erfaringar og bidra til å gjere kollegaene dine gode</li><li>   kjenner deg igjen i verdiane våre: modig, klok og tydeleg</li></ul> Det blir lagt stor vekt på personlege eigenskapar.    Vi ønsker medarbeidarar med ulik kompetanse, livserfaring og bakgrunn og med ulike fagkombinasjonar og perspektiv. Det gir eit mangfaldig arbeidsmiljø som set oss betre i stand til å løyse oppgåvene. Har du i periodar stått utanfor arbeid, utdanning eller opplæring, er du også velkommen til å søke jobb hos oss. Vi legg arbeidsplassen til rette dersom du har behov for det.    Det er mange gode grunnar til å jobbe i Arbeidstilsynet. Hos oss får du <ul><li>   lønn etter statens lønnsregulativ som inspektør, kode 1343 (kr  595 000 til kr 675 000) eller seniorinspektør, kode 1371 (kr 620 000 til kr 790 000), avhengig av kvalifikasjonane dine</li><li>   lån- og pensjonsordning gjennom Statens pensjonskasse: <a href="https://www.spk.no" rel="nofollow">https://www.spk.no</a> </li><li>   gode ordningar: <a href="https://www.arbeidstilsynet.no/om-oss/ledige-stillinger/hva-tilbyr-vi-vare-ansatte" rel="nofollow">https://www.arbeidstilsynet.no/om-oss/ledige-stillinger/hva-tilbyr-vi-vare-ansatte</a> </li><li>   meiningsfylte arbeidsoppgåver innanfor eit viktig samfunnsområde </li><li>   gode moglegheiter for personleg og fagleg utvikling </li><li>   moglegheiter for å medverke og påverke eigen arbeidskvardag </li><li>   hyggelege kollegaer i eit utviklande læringsmiljø </li></ul>   Viktig å vite før du søker  Som tilsett i Arbeidstilsynet kan du normalt ikkje ha bierverv eller andre økonomiske interesser i verksemder som er underlagde tilsyn frå Arbeidstilsynet.   Du kan be om unntak frå å bli oppført på den offentlege søkarlista. Dette må du grunngi i søknaden. Vi kontaktar deg dersom du ikkje får innvilga unntak.   Vitnemål og attestar må følge søknaden. Vi ber om at du hentar vitnemål frå Vitnemålsportalen når du søker stillinga.   Dersom du har tatt heile eller delar av utdanninga di i utlandet, ber vi om ei autorisert omsetting av papir og vitnemål, og godkjenning frå NOKUT (<a href="http://www.nokut.no" rel="nofollow">http://www.nokut.no</a>) eller Direktoratet for høgare utdanning og kompetanse (hkdir.no).   Vil du være med på laget? Søk nå - eller ta kontakt hvis du vil vite mer! Kjersti Marie Gjerd, kjersti.marie.gjerd&#64;arbeidstilsynet.no, tlf.nr.: 476 42 023. Johanne Tjemsland, johanne&#64;cruit.no, tlf.nr.: 954 60 806. Klikk på «Søk på stilling»-knappen på denne sida for å få meir informasjon og for å søke på stillinga.

Har du lyst til å jobbe for eit godt og lovleg arbeidsliv i Noreg?